夏日星馬遊 Day 3 - Langkawi

2009-07-20 Day 3

檳城 --> 浮羅交怡
Island Hopping、美昏大飯店晚餐

第三天早上要乘坐8:15 的船去 Langkawi，所以 6:30 起身checkout。
搭巴士來到這個碼頭，但感覺真係好頹廢，或者係四周圍都係度裝修緊。


去到先知我地果張係網上印既紙係攞唔到票，要去附近大廈攞左收據先得
我就立即去攞收據，返來換好 ticket 就排隊上船。

所有人的行季都要推哂係呢度，搞到條路都窄哂，同埋都幾驚搞亂左d 行李。

一開船就去左船頭影下相，之後就番入去訓了，因為出面真係好大風同個engine 真係好大聲
整個船程三小時多，可以慢慢訓

終於來到 Pulau Langkawi

Pulau 在馬來語是島，Lang 是老鷹，kawi 則是紅褐石
所以即是紅褐老鷹島

落船第一件事就係找的士
Langkawi 係冇公共交通工具，一係你就自己租車，如果唔係就要搵的士。
不過同檳城一樣係唔用咪表，係要你同個的士佬講價錢。




終於來到我們入住的酒店，Hotel Helang
雖然只係三星hotel，但老實我望完間房我係完全唔覺，真係好大啊!!!
而且，最令人鼓舞既係個價錢，原本我們只預計在 Langkawi 住三晚，但airasia book 酒店既網有promo，呢間酒店係 buy 1 free 1，所以唔駛唸立即變4 晚。
Total 四晚都只係六百多元。(不過唔包早餐)

出發前都沒有怎樣 plan langkawi 的旅程，因為全部都係去到先報 local tour
所以我地都立即去hotel counter問下有咩tour，發現下午2 點有 Island Hopping Tour
我們便係酒店先食午飯，再報名 Island Hopping

午飯後，終於等到agency 架車。
由於我地係 sharing tour 而唔係自己包船，所以要去其他地方接埋其他人先
到了碼頭便上船，一架船大約十二人。

一上船來發現得我地兩個是中國人 haha
Langkawi 由 99 個島組成，而 Island Hopping 便是去附近三個島到玩
終於來到第一站 Tasik Dayang Buning 孕婦島

呢到既馬騮同香港馬騮山一樣，如果你比佢地睇到膠袋，你入面既野都可以唔駛攞番

島上主要景點就係呢個孕婦湖，湖邊有水上單車出租，一種是太陽能，另一種是人力的。
我地貪平玩人力，結果一上船就知中招喇。成個湖人人都玩太陽能，得我地係到死命咁踏
哈哈，不過死命咁踏都可以當keep fit



孕婦島名字的由來就是因為下圖，好像一個大肚婆訓係度，不過我影唔哂佢個大肚，如果唔係應該會更像吧。

我們來到下一站 Pulau Singa Besar (巨獅島)
我地唔會上島，因為我地主要目的是來睇鷹，講明Langkawi 係鷹島，所以真係有好多鷹。
不過可能唔係最多鷹既季節而且好多遊客，所以不是好多鷹出現，而且唔係飛得好低。
另外佢地真係好快，所以影到d 相真係一般

來到最後一站 Pulau Beras Basah (濕米島)
這裡有很美的沙灘 !!





回程時，他們有專車送我地去酒店
不過我們見途中經過 Langkawi 最多人的既沙灘 Pentai Cenang，而且沙灘旁有好多食肆
所以我們便叫司機放低我地係晚餐的地方就可以了

今天的晚餐是海鮮餐!!

老闆推介的螺

重點推介 - 蒜蓉虎蝦

仲有呢個招牌菜 - 酒煮賴尿蝦

係香港多數都係椒鹽煮，但呢個酒煮就好有酒味，而且仲落左好多藥材，個老闆叫我地唔好只係食蝦，一定要連d 湯都飲埋佢

Langkawi 係冇乜夜間活動，如果唔係去bar 既話，你都可以早d 番酒店休息~
所以食完晚餐後，我地都係行去附近的沙灘就結束今天既行程