俄羅斯波羅的海三小國之旅 Day 7 Tallinn

2012-08-11 Day 7
Tallinn 古城一日遊 --> Overnight Bus to St. Petersburg

由於三國過關巴士不用停車，在四小時多車程可以好好入睡，只係中間停中途站醒過一次。清晨六時多，我們來到愛沙尼亞首都 Tallinn。塔林的巴士站確實是三個國家中最頹的一個，本身已經比其他巴士站細，再加上巴士站裝修中，所有的設施都搬出戶外，寄存行李的地方都只能夠在戶外的一個鐵皮屋。另外，由於愛沙尼亞已轉了用歐羅，消費指數亦變得高，連寄行李的費用都貴過人。我們將行李寄存好後，便離開巴士站。

塔林的巴士站並不在古城附近，我們需要轉電車去到古城，旅遊書說一個人要一歐羅，但我地上車個陣，完全唔知應該點比錢。再睇下其他人，有d 人好似有票，有d 人又好似我地咁上左車就坐低咩都冇理過，加上司機又冇理會過我們，咁我地都係度霸王車了。

落左電車好快就來到古城人口，三國之中，我最喜愛塔林。可能是最接近北歐的關係，整個古城都很有北歐童話感覺，最靚的一個古城。它也確實和北歐很近，搭船幾個鐘就能到達芬蘭首都赫爾辛基。
所以氣溫都較寒冷，出發前沒有帶到厚衫，唯有兩件風樓著哂，岩岩好!

時間尚早，古城人影都唔多，我們先沿著古城牆去第一個景點，聖凱撒琳通道。此通道是Tallinn最古老的小巷之一，正當其他地方人影唔多隻的時候，呢度一大早早已經有其他遊客係度影相。

終於來到Town Hall Square，一樣冇乜人，只係有人係度set up 緊中間的攤位。

很多餐廳都還未開門，最後終於搵到間早開門的餐廳供應buffet，實在太好了。

食完個早餐人開始多，首先又係指定動作，先去Information Centre 攞資料。然後我們便開始今天的古城之旅，先來到東正教堂St. Nicholas Church。

之後來到地標 St. Olav's Church

黎呢度參觀當然是上高塔看風景，不過見到 258 steps 時，已經知道有古惑。

雖然想上高塔，但工作人員都叫我地睇左教堂先

上塔了，依度唔係里加，你係要自己行上去的。
樓梯非常窄，每級亦好高，呢段直上都比較好，之後係咁轉住上果d真係會轉到暈。

貼心既設計，上到一半你可以坐低先休息，哈哈

上到頂一看，爬得咁辛苦都值得，Tallinn 美景一覽

人手再造紙的postcard，十分特別。雖然幾貴，但都當然買了幾張留念。

下一站參觀 Epping Tower，呢到真係冇乜野睇，最特別都係呢個古老攻城器

最後發現最正既係大堂既所有兵器係可以比你著黎cosplay XD

黑人頭既勢力原來唔止拉脫維亞，黎到愛沙尼亞都有，又再見呢個黑人頭logo

之後參觀塔林市博物館，呢個公仔唔知係乜水，不過在Town Hall Tower 的塔頂你又可以看到它的蹤影，手信都會見到佢個樣，相信一定有特別意義。

呢個裝置最初望落去以為係監獄，但原來是鐵幕

來到午餐時間，但不太肚餓。只去了cafe 食少少野。

呢件起初以為係蛋糕，但睇個名竟然係sandwich。食落去d 麵包真係比佢搞到好似蛋糕咁既質感，結果令我既胃口開左，叫多件食!!

食完野繼續遊覽，番黎Town Hall Square。真係好多人，同早上完全唔一樣。
呢度既小販全部都會cosplay 古裝，十分得意。這一檔是十分出名的炒果仁，有鹹有甜，加上炒得好香，都買左少少食。

Town Hall 除左上高塔之外，仲有呢個6 百年老字號地標，歐洲最古老藥局。

內裏的百子櫃真的很像中國傳統的藥材店，經過六百多年，現在還在營業呢。不過我想入來參觀的人比真係買藥的人多呢。

之後便去Town Hall Tower，有了經驗，已經知道係要自己行。

上頂，一覽整個 Town Hall Square

在塔的入口有一檔賣湯，立即排隊買一碗飲
不錯的熱湯，但坐低個陣覺得好奇怪，點解人地有匙更，但唔比我地? 所以就走去問她攞，一埋去問攞果陣
她突然係咁對我笑，又對其他人講左d 唔係英文既野。我完全唔知發生咩事，仲唸唔通我講錯野..@@
佢笑完之後，用英文同我講，更係免費的，但要唱首歌比佢聽先有。最後我地兩個就圍住佢唱歌喇~哈哈

接著我們參觀旁邊的Town Hall ，現在已變成博物館

接著我們向 Upper Town 出發，Upper Town 又名圖皮亞。從Town Hall Square有兩條路可以去，分別叫長腳街和短腳街。長腳街長些但冇咁斜，短腳街快好多，不過就係一條斜好多既樓梯。今日已經爬夠樓梯，所以上去行長腳街。

代表長腳街的長靴

丹麥佔領塔林時，係圖皮亞山丘興建城堡，自此圖皮亞就是塔林的權力中心。

一上來就看到地標的東正教堂 Alexander Nevsky Cathedral

和教堂相對的是當年為俄國女皇興建的圖皮亞城堡，現在內裡是國會的所在地

Cathedral of Saint Mary the Virgin

人手造銀仔，一鎚鎚打落去就可以造到一個Tallinn 紀念幣
平時好少入錢買果d係部機到扭幾扭就出一個果d 紀念幣，還是自己人手整個開心d

來到免費觀景台，很好的view

離開圖皮亞見到有得玩射箭，去了玩一玩。
頭十支箭比你練下，尾十支箭就真係會計分。最後都攞了 53 分，算係咁。XD

本來唸住參觀丹麥花園，但維修中，唯有沿短腳街離開，長長的樓梯。

回到Town Hall，已經七時多，就選了一間餐廳食食晚飯

Blood Sausage，個賣相一般，但又幾好食

食完飯已差不多九點，但個天仲幾光，不過攤位已經收哂。

也是差不多離開的時間，天亦都開始黑，搭電車返到巴士站已經十點。

今晚我地搭 Lux Express 去埾彼德堡，車程六小時。Lux Express 和Simple Express 同屬一間公司，不過係豪華版。

巴士準時十二時到達，叫得豪華版，但其實坐既舒服程度我覺得差唔多。
相反比教好的地方是有很多配套設施，首先巴士上有免費任飲咖啡。而且巴士上仲有wifi，同埋差電!! 呢兩日相機都冇機會差電，終於有得差了。
當然呢程就比較貴，位位EUR 36，我們一上車安頓好很快就睡了，向聖彼德堡出發。