2012-08-12 Day 8 St. Petersburg
彼得要塞、喀山教堂、基督喋血教堂
由塔林住聖彼得堡，車程大約六、七小時。雖然車程比昨晚長，但睡眠質素較差。因為過關又要落車，愛沙泥亞那邊一樣有人上黎收pas
sport，但俄國果邊又要攞行李過關。又再一次被問Visa，幸好最後都冇驚冇險過關
早上七時，準時到達聖彼德堡。由於我忘記了兩地有一小時時差，起初睇到個時間，仲以為未到站，唸住繼續訓。好彩最後有其他提醒，真係十分多謝，而且之後發現大家都係住同一間酒店呢，真的有緣。
一落車個人仲係呆下呆下，幸好旁邊就係地鐵站，唔駛點樣搵路。
聖彼德堡地鐵線路比莫斯科簡單得多，不過裝修同莫斯科一樣都係咁靚，電梯一樣都係咁長!
到站後都搵左一陣先到酒店，見到個牌果陣，真的十分感動。
點知一入去，個感覺就好似香港果d 後巷咁，日光日白入去冇乜野，但夜晚番酒店都幾得人驚。而且入去個大廈個殘舊程度好似去左幾十年的唐樓咁，更加有d 擔心
不過酒店係六字樓，希望一出 lift 有轉機
果然一出lift 真係完全兩個世界，現在回想起來，其實自己都幾鐘意間酒店。
雖然酒店外面個環境感覺好殘舊，但保安方面其實都算係咁。
最出面大街有一道閘，經過後巷入大廈又有一度上鎖既門，上到六樓一出 lift 又係一度要開鎖門先入到酒店，再加自己房門，總共都有四重的保障。
以下的相片是晚上先影的，當時一上去其實未有得 check-in，所以我們只係放左d 行李就離開
時間尚早，加上肚餓，所以一見到subway 就衝左入去。因為個人都仲未訓醒，食完都坐左係度好耐先願行。
聖彼德堡有很多運河，我們也在之後的行程中也plan 了坐船遊覽
酒店另一個好處便是十分之近冬官，每天都會經過呢，不過今天的目的地不是這裡
今日目的地係對岸既彼得要塞，一開始睇地圖果陣都唔覺得好遠，但一去到發現原來都十分之遠，最慘行到一半已經和地鐵站有些距離，唯有死死地氣慢慢行。我地要經過呢條三一橋先過到對面。幸好沿途風景唔錯，天氣也很好，一路行海風一路吹來，都令我們精神了很多。
過了對岸，要塞還未夠鐘開門，便先在附近行一行。在這次旅程當中，東正教堂和天主教堂真的見多了，但清真寺真的第一次看見呢!
不過不能入內參觀
下一站政治歷史博身館
原來這裡曾是列寧的指揮總部，辦公室也維持了當年的原樣
之後來到附近的彼得小屋，當年彼得大帝在聖彼得堡的第一個居所在這裡。他就在這裡監督要塞既興建進度。
旅遊書說當年興建這間小屋只需三天，但由出面望感覺點都唔似，一入去才發現原來出面間屋係用黎保護入面呢間真正既小屋，屋中屋啊
我們不能進入小屋，只能夠圍住間屋行，係窗入面望入去，這是他的睡房
他的書房，也是辦公的地方
離開小屋便向彼得要塞出發
正式參觀前先去醫一醫肚
要塞中最顯眼的聖彼得與聖保羅大教堂
由彼得大帝開始，之後的所有沙皇都是下葬於此。
由第一天還不認得他，但只要你在聖彼得堡旅遊數天後，你一定會認得他。在不同的景點你都可以看到他的銅像、雕像、壁畫，他便是興建聖彼得堡這個城市的人，彼得大帝。
Peter Again XD
冬宮廣場上亞歷山大之柱的模型
涅瓦門，古時的犯人就是通過這門然後上船去處決或者流放
從門的另一邊看教堂
跟住我們走了去 cosplay，一嘗扮演古代人的滋味，哈哈
cosplay 影夠相之後，我們便離開要塞。一出地鐵站，就會在附近看到勝家大樓，大樓有間好大的書局，就好像台灣的誠品。
勝家大樓對面的便是地標之一喀山大教堂
原本在興建喀山大教堂時，沙皇是想將天主教和東正教融合在一起，所以它的建築風格也參考了梵蒂岡的聖彼得大教堂，但其實它是一間東正教堂。
離開教堂返酒店check-in 加休息，經過兩日既通宵巴士，體力真係到頂，所以我們都在酒店休息夠先出去食飯。
食飯前，我們先參觀了酒店附近的基督喋血大教堂。一座好靚教堂，同紅場的聖巴素教堂好似。
離開教堂，去了勝家大樓的書店買明信片。今天的晚飯求其食就算，只想快些食完回酒店補眠。
俄國都頗喜歡這種半自助餐，你想要乜就攞乜，然後幫你計個總數。
我們極速食完便回酒店休息
沒有留言:
發佈留言